يلعن ابو رجل يذله هوى بنت

ياللي بأساليب الخيانــــــه تفنــنــــت
وش رجعك عقب الجفا والقطاعه؟؟
.
فارق عيوني وابعد ارجوك لاهنت
دامك تصنعت المشاعر صناعـــــه
.
لعبت لعباتك بتمثـــــــيل واتقنت
وألفت كذباتك بفن وبراعــــــــه
.
وخليتني بالنار يومك تمكــــــنت
وقعدت ادوّر في هواك الشفاعه
.
لآن الحجر من حالتي وانت مالنت
لأني اعطيتك غلا عن قــــــناعــه
.
ساويتك بروحي ومن قلبي احسنـــــت
وزرعت حبك في ضــــميري زراعه
.
غدرت بي واخلفت ضني بك وخنت
وخذيت حبي لك مجرد اشـــــــاعــه
.
لاتقول ابرجع بالهوى مثل ماكـــــنت
ضاع الهوى وانت السبب في ضياعه
.
يوم اني اسهر بالغرابيل وين انت؟
يوم اتحرى جيتك كل ســــــــاعــه
.
ياللي مع الأيام ضدي تلـــــــونــت
يامن تفنن في وســـــايل خــداعــه
.
بك من تواصيف الغدر لاتمســـكنت
كنه اخوك من الصدر والرضــــاعه
.
يالمعدن اللي حكك الوقت بــيّنـــت
بيّن صداك اللي خذيته بضاعـــــه
.
ربتني الدنيا على يديك وايـــقـــنــت
ان ماكل من يطمح طموح استطاعه
.
اليوم عقب اللي جرالي تمـــعنـّـت
والحر بعيونه يبين انطبــــــــاعــه
.
كانك مع العاذل وهمي تعاونــت
عندي شهاده بالصبر والشجاعـه
.
وان كانك اسلوب التحدي لي اعلنت
من عافنا يحرم علينا اتـباعـــــــــــه
.
واللي معي صادق بعيني له اسكنت
عندي عن اسلوب الخيانه مناعـــــه
.
تدري؟؟ مدامك للهوى اليوم ماصنت
اقولها بوجهك وكلّي قنــــاعـــــــــــه
.
يلعن ابو رجلٍ يذله هوى بـــنــت
إذا تخلى لأجلها عن طبــاعــــــه


ممارآآق لي