كان يوم الجمعه وبكره علي اختبار عنجريزي وكنت
رايحه عند مدرسه يعني مايحتاج اذاكر بس راجعت
الكتاب شوي وبعدين شووته ع الجدار المهم ماعاد جا
لي ذاك اليوم لا شغل ولا مشغله ورحت اقعد عند
التلفزيون وطبعاً ايام الامتحانات مافيه شي بالتلفزيون
فقلت مالي الا اني اقعد ع اللاب توب بس شاحنه ضايع
وش الحل؟؟!!!قلت مالي الا اني اقعد ازن ع راس امي
اقولها تشتري لي شاحن قالت مالك الا اني اشتري لك
شاحن تقليدي بـ60 ريال قلت لاااااااا وش ذا يخرب في
يوم ابي واحد اصلي من الوكاله قالت لا والله ان شاء
الله لاخلصت الامتحانات شريت لك واحد اصلي وعقب
زنة ووجع راس حصل لوالدتي وافقت واخيرا ان تجيب
اصلي بس مع مين باروح وش الحل؟!!ماعليه عشان
اللاب توب نفر مخناا فر المهم نادينا السواق وع فكره
السواق هذا دبشه ومايعرف يتكلم عربي ومايعرف يسوق
حتى بس عشان اللاب توب اضحي بحياتي المهم اناا
ساكنين برا الرياض يعني مغااامرره وضحايا في القصه
بتصير المهم خذيت المفتاح ورحت عطيته السواق وهجيت
للرياض وراح معي اخوي ويبلغ من العمر 4 سنوات
ذهبنا مع دبشتنا السواق وطول الوقت اناا اذكار مامسكت
لساني ابد المهم ماصدقت ع الله نوصل الرياض والطريق
يبلغ من منزلنا الا الرياض ربع ساعه اونص والوكاله
في الشمال يعني تقريبا الوقت بيبلغ ساعه الاربع وانا
ماشيه من البيت الساعه 8 يعني وصلت هناك الساعه
تسع الاربع المهم الوكاله نسيت محلها قعدت افرفر هناك
الا والقى لي واحد هندي قاعد يكلم بالجوال ومنسجم بعد
قلت بسأله وبقطع انسجامه<<نذله,قلت له معلوم انتى وين
وكاله ايسر قال والله مافيه معلوم<<انا عارفه انه يسلك
بس قلت يله بمشيها له وبخليه يكمل انسجامه المهم كملت
فرفرتي الا والقى لي واحد مصري سألته قلت تعرف وين
وكاله ايسر قال ااه دنا بعرفها دنا كل ماخرب جهاز ابني
واقاطعه انا طيب وينه لاني عارفه انه بيقول قصة العايله
كلها ووصف لي محلها وعقب الشين وعما العين وصلت
واروح واخذ الجهاز وادخل المحل واقول شوف ابغى شاحن
بكم قال بـ 300 ميه عماا يالظالم قال شو ياستي قلت شف عطني
الشاحن وحول الويندوز من ويندوز فيستاا لاكس بي قال
حاظر ياستي قلت طيب كم يستغرق الوقت قال هيك نصف
ساعه قلت طيب عقب نص ساعه بجيك وباخذه واطلع
وكانت الساعه تسع ونص واقعد افرفر ودخلت محل كوفي
واطلب المنيو ويوم شفت اسعار القهاوي بغااا يغمى علي
قلت والله ياليت بـsaudi coffee المهم طلبت لي انا واخوي
ارخص ومن قسم كوفي الاطفال بعد واصغر
مقاس بعد المهم شربنا ووسعنا الخاطر
وقعدنا نسولف ونعلق واناظر الساعه الا وهي عشر ونص
قلت ياااوووووكــ اكيد خلص من تزبيط الجهااز يله يله
مشينا قال اخوي وقهوتي قلت خذها معنا السياره وهو
يمشي بالياله بغيت اكفخه بس مشيتها له المهم رحت
للوكاله واعطاني الجهاز ويوم ركبت السياره ظميت
الجهااااز ظمهــ قووويه وقعدت امطخه,امطخه=ابوسه يعني
المهم رحنا لمطعم عموو حمزه ونفس الشي اسعاره
تطق الكبد وانا الفلوس اللي ماخذتها شويه فطلبت
ارخص شي ويوم جينا ناكله انا واخوي بغينا نمووت
عاد سمك وطعمه مخيس<<الله يديمها من نعمه واحفظها
من الزوال,المهم ماكلى كل واحد منا الا لقمتين وخلينا
الباقي سفري ويوم وصلنا البيت وكلنا الاهل الاكله وماحد
كلى فعطيناه الشغاله ونفس الحكايه يوم قمنا الصبح لقينا
الاكل مكبوب في سلة الطعام..وانتهت القصه
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
والقصه كلهااااا فقشxفقش
ـــــــــــــ
تعيشون وتاكلون غيرها حبيبات قلبي
ـــــــــــــ
ومع السلامه
ـــــــــــــ
تحياتي..
الفقاشه/متعقده من البزارين
ـــــــــــــــ
السبت مارس 14, 2009 12:23 pm
